Fiziki məhdudiyyəti olan vətəndaşların cəmiyyətə inteqrasiyası məqsədi ilə istər aidiyyəti olan idarə və müəssisələr, istərsə də QHT-ı tərəfindən maraqlı layihə və proqramlar həyata keçirilir. Növbəti dəfə təşkil olunmuş layihə isə Əmək və Əhalinin Sosial Müdafiəsi Nazirliyi, Mədəniyyət və Turizm Nazirliyi, Respublika “Əlil Qadınlar” cəmiyyətinin birgə təşkil etdiyi fiziki məhdudiyyətli qız və qadınlar arasında keçirilən “Gözəllik müsabiqəsi” idi. Müsabiqəyə 18-35 yaş arası 50 – nəfərdən ibarət fiziki məhdudiyyətli qız və qadınlar qatılmışdır. Müsabiqənin keçirilməsi məqsədi ilə Əmək və Əhalinin Sosial Müdafiəsi Naziri cənab Fizuli Ələkbərov tərəfindən əmr imzalanmışdır. Müsabiqə 27- mart tarixində başa çatmışdır. Birinci və ikinci yerləri tutanlar Türkiyənin Ankara şəhərində 9 mart 2009 cu ildə təşkil olunacaq fiziki məhdudiyyətli qız və qadınlar arasında keçirilən dünya Gözəllik müsabiqəsində iştirak edəcəklər. Keçiriləcək müsabiqədə Respublika “Əlil Qadınlar” cəmiyyətinin prezidenti Məhluqə Rəhimova münsiflər heyətində Respublikamızı təmsil edəcəkdir.
Müsabiqənin qalibləri:
1. Məmmədova Aygül Fərman qızı
2. Şıxəliyeva Bahar Ələkbər qızı
3. Bayramova Diana Müstafa qızı